EMERETZIGARREN EGUNA

Ugazaba biren otsein ezin izatiaren gañian.

        Erantzun egidazu zuzen ta toles baga kristinaua noren serbitzari izan gura dozu? Jaungoikuaren, ala Diabruaren? Begiratu egizu ondo, bada bijen serbitzari izan, eta bijeen gogoko izatia, ezin leitekian gauzia da. Betetia egin baten Jesukristoren aginduak, eta bestian Luziferrenak: Domeka goixian errezetan, meza entzuten, eta arratsaldian dantza nastutetan... gaur konfesetan, ta laster pekatuetan; an da Satanasen adiskide izatia, ta Jaungoikuari burla egitia.

        Erabagiten badozu Jaungoijuaren serbitzari izatia, artuko dizun nekia izango da guztiz laburra, eta sarija betikua. Penitenzija berrogei, irurogei, edo geijenez larogei urtekua: atsegiña ta glorija betikua, amaibagia. Onezaz ostian jakin biar sozu Jaungoikua dan lako ugazaba ain on batekm ez deutsula itxiko lagundu baga, sendatu baga, ta pozkerijaak egin baga erbeste onetan bizi zarian artian bere. Eta Jaungoikuaren serbitzari izatiagaitik eruan biar badozu kurutzia, gozatu ta poztu zaite; bada au da saririk oneena; eta ez da izango, Jesusek, errubagia izanik, zugaitik eruan ebana baxen astuna.

        Baña jarten bazara Demonioaren otsein menpeko, ta serbitzari, atsegiñak izango dira guztiz laburrak, eta oneek bere mingoztasunez betiak, eta penaak betikuak. Isabel Inglaterrako Erregiña agerturik ill ezkero, ebillen diadarrez Tamesis deritxon ibai inguruan ziñuala: Erreiñuko agintaritzia berrogei urtekua: infernua betikua. Onezaz gañera ez da ziurra, Demonioak mundu onetan bertan bere emoten deutseela bere serbitzarijai gozaro bizitzeko biar dabeen guztija, Zeuk zeugan ikusi dozu au ondo egijazturi, eta dakutsu oraindiño. Eta azkenik Demonioa da ugazaba bat guztiz gorroto andija deutsuna.

        Zer itxaron daikezu beragandik?

EJENPLUA

        Baldin zorigaiztuan Demonioak bere mendian bazaukaz, zuzendu zaite Marijagana, eta berak aterako zaitu aren mende, ta erpeetatik. Mutil gazte batek alkantzau nai eukian gauza bat, eta ikusirik ezin bete ebala bere gurarija, emoan eutsan Demonioari bere arimia, loturik onetarako bere izen, ta lonbria paper baten imiñijagaz, baldin jaristen beutsan gura ebana. Baña laster damuturik juan zan konfesetara bere pekatua Marijaren Eleixa batera, konfesoriak aginduten eutsan edozein-bere penitenzija, danik andijena izan arren bere kunplietako gogo ta asmuagaz. Agindu eutsan konfesoriak, absoluziñoia artu baño lenago. egijala baru, imiñi zilijo bat, eta azotau zeitiala itu egunian, Marijari laguntasuna eskatuten eutsala, eta esan eutsan, iru egun areetan beragaitik mezia eskiñiko ebala. Oneek egiñik, agindu eutsan konfesoriak sartu zedilla Marijaren Kapillan, eta egizala erregu barrijak. Aspertu baga negar egiten eban, erregututen eutsala Marijari, arren biurtu egijola. Demonioari emon eutsan papera, onetarako esaten eutsazala sarritan, Eleixa Santiaren berba oneek: Monstra te esse Matrem. Donzella errukiorra: erakutsi egizu arren orain zariala nire Ama ona, ez banaz bere ni duin zure seme izateko, ezpada Demoniaren menpecua: onetan ziarduala dakus bere eskuetan papera. Orduan asi zan negarrez ta diadarrez, ez onezkero pena ta naibagez, ezpada atsegin ta pozez, eta gelsitu baga ziarduan Marijari eskerrak emoten. Jaun zan arin konfesoriagana, emon eutsan onek absoluziñoia, Jaungoikuak parkatu izango eutsan uste, ta itxaripen senduagaz.

BIJARKO LORIA

        Mun egin iru bidar Marijaren irudi bati amodijao ta samurtasunagaz, esaten deutsazula bakotxian: Ama neuria: zure serbitzari egijazkua izan gura dot: egizu arren ez dagijala nigan zer ikusirik euki Demonioak.

        Sarri esateko erregu laburra.

        ¡O Domina! Serbus tuus sum ego.

        O Andria: zure serbitzari naz ni.