IRAILEKO MAITASUN LABURRA

 

Ekialdeko lorea:

ez lotsatu!

Zugan aurkitu baitut irailean,

abuztuak ukatu zidana.

Ilunaren zulotik nator

gura itotzen duten lekuetatik...

Abes beza karnabak...!

Hegapean gorde dezala

musu honen sekretua...

Egun sentiak nekea zekarren

eguna, eguna jaso beharra.

...

Zenbat pentsamendu zeuden,

kaiatik zetorren musikan?

Itsasoak biribiltzen zuen

uhinen azken taupada

aparra sortuz.