Izarrak kontatzen dituzu

haiei so,

morrontzan,

bare kantatzen duzu

bakardadezko hari hotzean,

galaxia isilen misterioa

zutaz jabetzen denean,

zuk dakizun bezala

suzko malko iheskorrak

izkribatzen ez dakitelako

kilkir armonikoan

hegal murmurioak, keinuak.

Seksu guzietako begiak

irakurtzen dituzu,

eromenaren ur lokaztuak geldiarazi,

amets batek biltzen zaituenean

argi inurritzearen azpian,

izartegi elektrikoetan.