AINGERU TRAUMATIZATUEN ITZALA

 

Badakizu non edaten duen karibuak;

Basoan,

Katedral elurtuan,

Elur gorra desegiten den putzuan,

Aingeru traumatizatuak edaten duten lekuan.

Psikiatrikoko barnebideetan,

Barrutietan

Aipatzeko gogorrak diren

Gertaerak kondatzen

Ezagutu zintudan.

Eguzki zuntz batetik

Sortu zinen

Maitasunez betea;

Erabat nire alde

 

Zu,

Bizitzaren opari handia...!

Gela minduetan harrapatuta,

Itxaropenik gabe,

Eskunabekin, aurpegiko itzala estali nahian.

Bihotzean gordeko zaitut.