ERREBALETAN

 

Errebaletan labanak

agertu dira diztiratsu

eta hiltzaileak

borrero traza du.

Sartzen dio labana

bihotzaren erdian

atzealdeko eguzkia

zulatu arte.

Gizonaren arima

bertan hil arte.

Zakurrak gauean

ez ziren isildu

(odolaren usaina...!)

Kateak mugituz,

adur jarioetan

hortzak agertuz.

Errebaletan gorpu gaztea,

amaren altzoan,

arratsean betirako

utzitako zuloan:

amak, jarri du eskua

eta zerurat begira:

nigar egin du.