BLAS ETA DENBORA

 

Eskuineko oinaren orpoa lurrean

Zapataren punta goruntz begira

Eta besoak gurutzaturik

Salako erlojuaren segundo guztien kliskak

Begiratzen zituen denbora luzean

Hori zutik zegoenetan

 

Bazuen gizon hark

Agerpen baten itxura

Bere gabardina zaharrarekin

 

Eserita zegoenetan

Mahai gaineko platera

Ezpainzapiarekin igortzen zuen

Behin eta berriz

 

Baina hura Santa Ageda zen

Ero etxea