LAGUN MAITEA

 

Kontua da lagun maitea

Maitasun eder eta handi baten bila

Egin dudala bidaia oraino

(Bihotzean karnabak egin du kabia)

Baina kontua da lagun

Hasierako harira lotuz

Joan zaidala denbora

Neurri handi batean

Kasik maitatu gabe

Benetan jakin

Nire bihotzak

Ez duela horrelako maitasunik ezagutu

Fikzioa izan dela gehiena

Gutxi gozatu dudala

Ardo horretaz

Eta jakin

Lagun maitea jakin

Arazo bat bezala

Bizi izan dudala maitasuna

Eta hala ere

Ate horrek zabalik dirauela

Baina kezkatu gabe

Baina bilatu gabe