ESKURAEZINEZKOA DA EROA

 

Beti iheska

Inon sustraitu gabe

Tontorretatik begira

Norbait segika ote zetorren

Jakiteko

 

Baina ez nuen

Arrazoi ezkuturik ihes egiteko

Nigandik nenbilen iheska

Paranoia batean

Sarturik nengoelako

 

Erotzea

Desertuan galtzea da

Entzuten nituen ahotsak

Batzuek

Zerukoak ziruditen

 

Psikearen landa isiletan

Zetarizko kanpaiak

Entzumenean haizea

Baietzaren opariarekin