POETAK

 

Batzuetan

iruditzen zaizkit

poetak

artistak dirala

maiz filosofoak

dionisiarrak batzuek

apolotarrak besteak

 

Ez dakit zer den poesia

Ez dakit zer den poeta izatea

Baina poesiak

Hondarrak utzi behar ditu

Nonbaiten

 

Ez gara bi bider hilko

Hau da duguna

Dio. F. Nietzschek

 

Norbera da

Bere bizitzaren moldeatzailea

Aske naiz

Eta ni naiz

Nire bizitzaren arduradun bakarra

Eta jakin

Edo agian badakizue

Askatasunaren prezioa

Bakardadea dela

 

Noiz arte

Ez dakit

Ez da beti gertatzen

Baina orokorrean

Sentitzen dut

Bizitzeko poza

Erraza?

Ez!

Gogorra?

Bai!

Baina baita ere ederra

Benetan ederra bai!

 

Munduaren sabel konkaboa

Haurrez beterik dago

Gizatiarra da maitatzea

Gizatiarra da erditzea

Zer esan behar diegu

Bizitza iruzur bat dela?