ORDEZKATU EZ NUEN IRAULTZA

 

Egiak aske egiten nau

Egia da bide laburrena

Zertarako gezurra

Nigan dauden kontraesanak aztertu

Korapiloak askatu

Zama bidean utzi

Eta aurrera egin nahi dudanean?

 

Barneko ispiluan

Aurkitzen dut erantzuna

Onera egiteko ahalmena

Itsua ez den bidea

Bihotzaren jakituria

 

Armiarma-sare handi bat

Baztertu nuen eskuarekin

Bakardadearen haitzuloan sartzeko

Nitaz zerbait jakiteko

Bizitza hobeto ulertzeko

 

Ez diot uko egin munduari

Estropozuka baina

Iraultza bat egin dut

Nire baitan

 

Ez daukat alderdirik

Baina bai ideologia

Ez daukat sindikaturik

Baina bai kontzientzia

Ez daukat erlijiorik

Baina bai zinizmenak

 

Bideko semeak gara

Eta ez dut ezkorra izan nahi

 

Nonbaiten seme batek

Bere ama xaharraren eskua

Laztantzen du

Edo haur batek

Jakinminez beterik

Galde egiten du