EZKUR ALETXO BATI

 

Bertsotxo batzuen hazkureak

sentitu nitun buruan,

ezkur aletxo bati begira

zuhaitz baten azpian.

 

Matraila berdeari miatzen

jiratzen nuen artean,

bekoki-kokots xapel xurtenek

tentaturikan agian.

 

Xurtanetikan zetorkiola

ur xuka bizi bizian,

hazian zegola frutua

frutua berriz hazian.

 

Horrela sortzen dira haritzak

belar xehearen erdian,

lurrean sustraiak sareratuz

adarrak izar begian.