GADAFIREKIN

 

Gau hartan Gadafirekin mintzatu nintzen,

benetan, ez nuen bere ahotsa aditu,

baina solas luze bat egin genuen

bake eta gerraz,

gizateriaz eta gizakumeen etorkizun beltzaz.

Agian, pentsatzen dut orain, pasatu da

suntsiketa orokorraren arrisku hurbila,

edo halaxe sinestarazi nahi digute,

baina zentzazio hori dago munduan,

eta susmo bat sortzen zait,

horrela izan ote den gau hartan

Gadafi eta beste pertsonaia inportanteekin

neuk hitz egin nuelako. Baliteke

Baina ez, ez da hori.

Seguraski oinaztuen gaua izan baitzen hura,

nire baitan behinik behin.

Hil nintzen benetan,

eta orain gogoratzen naiz hil nintzela,

horregatik bizirik diraut.

Oinaztuen gau hartan abioia hartu baino lehen

presaka eta dardaraka dutxatu nintzen,

agian puru sentitzeko moduan,

baina hondarrean telefonoz soluzionatu zen dena,

basamortura joan gabe,

batzarre haundi batean parte hartu gabe,

ene buruan gertatzen ari baitzen dena,

beti bezala.