GALTZERDIAK SOILIK

 

Galtzerdiak soilik nituela

neskatxa zurbil horrekin

larrua jo nuen

suhartasunez

tenore gozo hartan,

ohantzean egin genuen,

hondarrean,

negua baitzen,

baina urtegi itzaltsuan

ibili ginen biok,

gori-gorian,

filmeetako maitaleren bat

sumatzen den gisa

eta begiluzeak zirelakoan

geundenez,

eta batez ere hotza

izatearren,

babestu ginen

mendiko etxola batean

sua zegoela eta;

komentutik atera berria

zirudien neskatxa zurbilak,

nobizia lizunaren antzera

egin baitzuen amodioa

nirekin,

tenore eztitsu hartan,

luzaro eutsi zioneko

birgintasunen bat

galdu zuen,

antza,

bazkalondoan

larrutu ginelarik,

neuk galtzerdiak soilik

nituela

arrunt ongi gogoratzen naiz eta.