ZENBAT HISTORIA, HAINBAT GALDERA

                   (Bertolt Brecht)

 

Norbaitek izan du giza irriaren historia

idazteko asmo hantua, hau da,

boterearen aurkako irri, algara, txantxa,

herri amarrukeriaren zentzu iraunkorra

hitz segida luze batez atzeman nahian,

baina, non aurkitu horren aztarnak,

non daude hezur barretsu horiek

mikroskopioren batez aztertzeko moduan?

Bakarrik aurki dezakegu zenbait puska idatzita

azken mende hauetan hori ikertzeko

eta hondarrean ez dakigu nola

barre egiten zuen jendeak

balizko egoera komiko horien aurrean,

zehazki ezin baitugu jaso

irri edo irribarre horren

zentzu aldakor eta zalantzakorra,

bere garaiko istorioak idatzi ohi zituena

nahikoa gizon serioa baitzen

eta eskuarki ez zen bat ere kezkatu

jende arruntaren irri eta algara bereganatzen,

haundien arrakasten aurrean

koru grekoaren antzera ez bazen,

jaun zahar eta berrien garaipenekin

bat denok egiten dutela suposatuz,

Sthendal historialari liberalak dioenez

Napoleon konkistatzaileak Italia okupatzean:

«Herri hark ehun urte zeraman aspertuta,

eta alaitasun eroa, poza, atseginkoitasuna,

sentimendu triste guztien ahanztura»

lortu zituen tenore glorioso hartan.

Eta beste kronika motak idazten dituztenek