BEGIRADA SEDUZITZAILEA

 

Emakume baten begirada seduzitzailea,

krimenerako dei uherra,

aberriaren aldeko aldapa irristakorra,

poseditzeko amuzki pozointsua,

gozatzeko promesa iluna,

emakumearen ahalmen nabaria:

gaur sumatu dut

arrisku horren zama samurra

zure begietan,

zure ezpainetan,

zure keinuetan,

andre perxenta,

sorgin ausarta,

familiako deabru,

eta seduzitua izan naiz erabat.

Engainio hutsa

ala nahiaren betetzea?

Ez dakit, bost axola,

zure sareetan erori naiz,

sakrifiziorik gabe,

malkorretan pentsatu gabe,

labirinto eder bateko

abentura errugabe bezala.

Ezin da atzera jo

hainbeste haize eta su

harrotu ondoren,

etorkizunaren igarle isila,

eterno ezkutuen jabea,

emakume baten begirada seduzitzailea,

gaur sumatu dut

arrisku horren zama samurra