BIZIKLETARI

 

Gizakien neurrira egindako

makina horri

nahi diot oraingoan kantatu,

bideetako gurpila,

haizearen laguna,

paisaiaren usain gozoa,

ibiltari apala,

gauzen soinu arina

bakarrik eteten du

ibilgailu zaratatsu horien

pasatzen mehatxagarriak,

ziztu bizian zure ametsetako

mundua hausten da

burrunba batez,

eta lilurapena aienatzen bezala,

oroimenaren zuloan,

haur jolasa balitz bezala,

ibiltari ausarta,

suizida alaia...