ALU GEZAMINAREN
ZAPORE EZBAIKORRA

 

Alu gezaminaren zapore ezbaikorra,

ezin da erran non dagoen muga,

susmo eta ziurtasunaren arteko

diferentzia aldakorra,

gorputzen burruka samurra

ala izpirituen hurbiltasun latza,

bizi joko gozo-garratza,

emandako arauen pean

ibiltzeko askatasun murritza;

ezin da erran non hasten den

mehatxatzen gaituen amildegia

edo non bukatzen den

gozatzeko lehia grinatsua,

alu gozaminaren zapore ezbaikorra.