HAUTSI ZIRKULUA

 

Hautsi behar duzu zirkulua,

laztana,

ezin zara egon beti deitoratzen

nola izanen zen hobe

ezagutzen ez duzun

bizimodu apart hori,

airean eraikitako jauregi hori,

ezagunak baitituzu horren keriak,

laztana,

bilatu zirrikituren bat

eta sartu babesleku saminean,

minezko zirkulua bortxatzeko

sueten bat eskainiz,

laztana,

badakizu premiazko kontuak

zeintzuk diren,

oraingo zure indarra

nolakoa den

eta zenbat lagun dituzun,

laztana,

hautsi zirkulua,

berriro amodioari bederen antzemateko

eta une zoriontsuren bat

pixka bat dastatzeko.