AMAIGABEKO ZIKLOA

 

Hasieran izan zen kaosa baina

milioika urte pasa eta gero,

hemen hain zuzen, gure artean,

ur hatsatik noizbait sortu omen zen bizia

eta gero hedatu omen zen lehorrera eta airera,

baina biziaren aurrean sortu zen azarea

eta orain dela gutxi azarearen aurrean jendea

eta jendearen artean sortu zen kontzientzia,

baina kontzientziaren aurrean handiputza,

handiputzaren aurrean fetitxea,

fetitxearen aurrean mitoa,

mitoaren aurrean sinesmena,

baina handiputz, fetitxe, mito

eta sinesmenaren aurrean

behin eta berriz sortu zen zalantza,

zalantzaren aurrean munduaren egia

eta munduaren egiaren aurrean unibertsoarena

eta unibertsoaren aurrean noizbait hutsartea

eta hutsartearen aurrean,

beti kaosaren erdian,

sortu zen ezereza

eta orain guzti horretatik,

hemen hain zuzen, gure artean,

agian zu, ni eta gu,

berriro sortuko gara

amaigabeko zikloa errepikatzeko moduan...

kaosak mehatxatzen gaituen bitartean.