|
Itsasoak iraultzan 11. ERREGINA Tronuaren ospea hunki dut lehena. Dakarren erregiña, sabel sakratua Orain kantatuko dut errespetu haundiz Gure sugar guztien iturri galdua Ta haien itotzeko itsaso gardena Urteak pasa ditut ezin zure aurkiz. Bozkario sakonen gitarra ixila Zure dantza geldian biak bat eginda Zirimola ziruriz urratzen zarela Hiru argizagitan izarretaraino Uholdean urturik bizia sortzen da. Itsas ontzi nasaia, branka borobila Lehertzear oihala hanturik mastilan Boteretsu bazoaz itsaso kexuan Altxorrez hanpaturik, aziz baketsua Zure atzetik utziz hurrakanen aska Zirimolen begian ametsaren bazka.
Itsasoak iraultzan |