|
Itsasoak iraultzan OTSOGORRI Basabürüko hegian Orhi et'Ahüñamendi Gure giganteen erdian Bat, bi, hiru Otsogorri. Zü lehenik gaiñekoa, Düdarik gabe handia. Apal baitüzü ttipia, Hirugarrena pekoa. Arren gainek'Otsogorri, Zü egiazk'Otsogorri, Balio dükezü Orhi Gorat ere abantzüñi. Goratarzünez abantzü, Ederrez lehen zira zü. Orhi errege badügü, Zü erregiña zütügü. Otsogorri, Otsogorri, Zure hegian azkorri, Zure maxelan sokorri, Aldepean nor egarri? Ipar aldeko baxetan, Zelüko hurak turrustan Ehün kanako jauzitan Arrokatik jauzten Pistan. Pistaren alde gainetik, Ttünttür baten ttünttürrean Harespil bat biribilik Soropila orlegian. Arbasoen hilerria, Arimaren baratzea, Hitarik hüllan zelia, Heben denekin batzea. Zaharren eki saintia, Artzainen lür sakratia, Hortik, sentoralaria, Besarkatzen dün mündia. Kürkürian sargia bat Zuri zabal, Otsogorri. Hantik sos Maidalenalat Bazterrak zoin txorogarri! Portilloren haraintian, Eguerdiz eki xurian, Hüxtülan hegoa latza, Eta üngürüz ügatza. Zü halaber, Otsogorri, Bortien andere xuri, Nafar aizeen mezülari, Bi hegalez iparrari. Batetik Malta, Ardane, Miraküilüzko arana. Baxen ez bahiz herabe, Sar beste mündian barna Bestaldetik Harlüzia, Bürüxieta, Zakia, Etxahunen Igelua, Begien bazkatzekoa. Erditan gure segeretia, Bide gabeko ibarra, Hur bizien ütürria, Misteriozko indarra. Han artzainen erresuma Bihotzez maite dügüna, Baina heben dün arima Hurtatzen daikün arana. Goian Utürrurdineta, Hoinetan zilar tzapasta. Lamiñak leizen behera Hantik jaixten ümen dira. Udako ekitoltzetik Goazan sendaren behera Turrustaren saihetsetik Oihanean freskatzera. Borroka beroz aserik Mendien sabeliala Utzültzen nün, desertütik Edenek'oasiala. Ixilünean ostoz osto Xortaka itzal güzitik Sartzen zaikü baketürik Negüko elürra oro. Hau da gure gordagia, Zelü lürren opiloa, Xiberoaren erroa. Lürreko paradüsia. Bagoen katedralean Ala hegiko argian Ni heben Joseba baino Ahalaz tobaritxago. Ardaneko soropila, Otsogorriko maxela, Arranoaren hegala Et' aizearen txürüla, Ttünttürreko harrespila, Turrustaren jaitx ahala Eta bagoen itzala Beti horra zaizt bistala. Otsogorri, Otsogorri, Zoin llabür plazer hori! Zütarik Pettarriala, Ametsetik laniala! Udako ihes lekia, Negü beltzeko lehia, Leihotik zütüt ikusten Zelian txütxüt argitzen. Batean elürrez xuri, Bestean urdinez bezti Edo hegoetan gorri, Bortüko andere Mari! Zure bistan, Otsogorri, Nahi nüke zühür bizi, Zure bistan, Otsogorri, Zühürki bizia ützi.
Itsasoak iraultzan |