Itsasoak iraultzan
Jean Louis Davant

Maiatz, Uhargi 6, 1986ko martxoa

 

ERRAN BERRI , OTSOTITZ

 

Munduko gauzarik ederrena:

Ondarretako sirenen bularra

eguzkitan

askatua

balego.

 

Munduko gauzarik itsusiena:

Munduko gauzarik ederrena

itzalean

giltzatua

balitz.

 

          * * *

 

          Amodioa

          baino

          maitagarriagorik

          ez da

          emazte

          maitagarria

          baizik.

 

          Emazte

          maitagarria

          baino

          maitagarriagorik

          ez da

          maite den emaztea

          baizik.

 

          Haren

          amore gatik

          emazte

          maitagarria

          uzten da

          maitatu

          gaberik.

 

          Arren

          maite

          dugun

          emaztea

          maita

          dezagun

          maitagarriena

          baita.

 

          * * *

 

          Aberria

          beti emerria:

          auzitegiko matrona bulartsua.

          Ernalgoa bezain ugari

          gure aberri saldoa:

          zazpi Musa ñapur

          eta haien babesle saindu

          bi makarela:

          dantzari beltzarana,

          migantza titi lodia,

          zezena bezain ozena

          ta mannequin-de-Paris

          ahuntz eihar titi luzea,

          oilarra bezain zakarra.

          Bederatziak antzu,

          Euskal-Herria izorra,

          Euskaldun, adardun.

 

          * * *

 

Ezinaren

izena

Euskadiren

izanak.

 

Izanaren

ezina

Euskaldunen

izenak.

 

Izenaren

Izana

Euskotarren

ezinak.

 

Gure kirola

nazionala

pelota

de goma.

 

Gure kirola

herrikoa

pilota

gomazkoa.

 

 

Itsasoak iraultzan
Jean Louis Davant

Maiatz, Uhargi 6, 1986ko martxoa