|
Itsasoak iraultzan UHARTEA Hartarik urrun nago Bainan onts'asma diot Ene ametsen mugan. Izar bat, izar bi Azkorriz itzali Odei baten farrangan. Hego haize gorrian Hegien lerro xuria, Marfilezko dentela. Maxelaren behera Aihen morko ederra Ta pin'oihan epela. Larrain hersitik landa Bi tontor zabalak Eta okolu borobila. Zola-zolako maldan Baratze izkutua Bi palmondo azkarren Artean. Ibarraren behera Han itsaso bazterra. Hau da ene uharte Gordea. Besteek sogiten diote Bainan ez dute ikusten. Ugartean dut aurkitzen Esnea ta eztia, Ardoa ta ogia, Oliba ta ozpina Ere bai, ta gaztaina Ta basa Larrosa Baten zaia ta gona Gorri ezin erranak. Korsega horren makira Usu ihes egin niro Ez banu zure beldurra, Arriskuaren itsaso.
Itsasoak iraultzan |