YOSUREN YAYOTZA

Aur txikitxo ta polita

yayo yaku Bethlemen

goazen pozez ikustera

goazen danok len-bai-len.

Zer da bertan dakusguna?

Aurtxo samur polita,

otzez dar-dar aska baten

eztauko zer yantzi ta.

Abeletxe baster baten

Miren ta Yosebagaz,

abere bi berotzeko

dauz arnasa lurrunaz.

Ene ederroi; etzara Zu

donoki-lurren yabe?

Zelan zagoz kutunori

iñon laguntzagabe?

Zeuk ez dozu piztu goyan

eder-eder euzkia?

Zer dagi bere Yaunari

bialtzeke argia?

Egaztiak Zeuk eztozuz

apain yantzi ederrez?

Eztozuz aran, muñoak,

yantzi lora, bedarrez?

Txoritxuok lo zagoze?

Lo zagoze gaxuok?

Orain abestezpozue

itxi betiko abuok.

—Txoritxuok ixill gagoz;

ez dogu abestuten;

Ez dantzuzuz ba gotzonak

Yaun-Aurtxoa goraltzen:

«Aintza ta aintza Donokian

Yaungoiko Altsuari

gentza zoruna ludian

gogo zintzodunari?»

Eguzkiak iges dagi

Yosu yayo dalako;

Argia dagon tokian

eguzkia, zertako?

Yantzi barik dar-dar dago

Yosu otz ikaragaz;

nai daulako berotzea

geure maitetasunaz.

Zatoz, Yosu biotzeko,

zatoz maite gugana,

geu-biotzok eskintzera

yun gaitezan Zugana.

Yaungoikoa Aur eginda

yayo yaku Bethlemen

maitasuna eskintzera

goazen danok len-bai-len.