Hitzak ebakitzean
Luis Mari Mujika

Kriselu, 1975

 

 

NIRE IZADIA

 

   Nire izadia

zein den osoa,

zein den luzea,

Jainkoa, itsasoa.

Zer azkengabea

egarri honen asea...

 

                      Izadiak biltzen nau

                  bere gorputz gaztean.

                  Ezaguna dut egiaz

                  hibai galanta bailitzan

                  —grina bete gaztean—

                  zoramen kosmikoz

                  arimara datorkidan

                  guztizko asea.

                  Izadia, natura,

                  bere arnasa

                  ta sua,

                  dena gazte

                                  —dena bete—

                  ilunabar sakonean

                  oro nirea...

 

1970

 

Hitzak ebakitzean
Luis Mari Mujika

Kriselu, 1975