EUSKAL LURREAN

 

   Euskal lurrean

harkaitz harroak,

paleolitos haroaren,

euskara ta litos ebakiaren

urrats mikatzak.

 

   Harkaitzak

(harri gaitzak)

hatzamarka biziki

nire parajean...

 

Aintzinak damaidan ausardiaz

nik nire Herria (harria)

nahi dut defenditu,

nik asaben atea

nahi dut zabaldu,

nik esperantza ta geroa

fedez lokarritu.

Nik neure Herria

hatzazalez,

—hazkazalez—

neure kate ta zaurien

hatzamarrez

nahi dut defenditu.

Nik etsairik

sukaldean

ametituko ez dut,

nik Herriaren esperantza

indarberrituko dut.

 

                       Nik Herriaren arnasa

                       —arbasoen baratza—

                       zaindu egingo dut,

                       nire ahalegina ta ahatsa

                       borroka honen truk

                       laster bihurtuko da

                       egunsenti luze baten

                       argi ta ardatza!

 

1969