HAN MUINO ITZALIAN

 

   Han muino itzalian,

han itsasoko tamarindoen nahigabean,

nik fidantza,

objetoek damaidaten muga ta urratsa.

Unearen ordu trajikoak

zaunka harroa duenean,

Baudelaire-ren ordu zoroa ote, agian?

Ez Apollinaire ta Gide-ren lotsa ta bekatua

nik zurrunbiloka inguruan.

Eguzkia etsitzen ez duen egun honek

fedearen eza,—ezereza—

duda edo kezka

muga beltzeko inguruan.

Ezak ba al du izatea? Hutsa ta eza,

ez dakit, galde Sartreri, alajaina,

inork jakinen balu, gaur, bihar, noizbatean...

besterik gabe, esan dezala,

gaur, bihar, biharamonean...

 

1973