SENA HIBAIKO

 

   Sena hibaiko gau mozkorrean,

Eiffel dorrearen mantxa luzea uretan,

asmamen bohemio hau haitzurka

—Marcel, Unamuno, etopsikia, etabar—,

                Pariseko une usteletan...

Cézanne baten antzeko kuadroa da hau,

                osoro baldan, banal, axolik gabea...

Gendarme bat gertutu zait,

                — Zer egiten duzu hemen? esan dit.

                — Hemen, ezer...

                Hibai bazter

                hau denena da, monsieur.

Senaren amorean, beraz, denok dugu parte,

                 ezer ez egitea nolako galde...

                 Ezer ez egitea une bohemio, desaxolagabe honetan...

 

1973