BELHAUDIKO BORTIAN

                Ziberutarrez

Belhaudiko bortian Organbidesk'olha,

Bere deskantsiala han ardiak alha:

Goizan igorten tie olhape behera,

Artzan-hor gaizua emanik gida,

Arratsan ützültzia gomendatürik untsa.

Artzaiñ hurak zütien ardiek trunpatü;

Goiz batez juan eta arratsan ez sarthü.

Mekhatzale ziradin hurak abiatü,

Ilhiak zütiela behar ingajatü

Eta jarraikile bat hunik akordatü.

Otsogorrin behera ardiek, lasterka,

Zalhe igaran zien Gaztanbid'uhaitza;

Besarkagiala baikoz baraxtü ürhatsa,

Bide handin bathürik Arhaneko tropa,

Han ziren artzaiñeki jarri mintzatzera.

Artzaiñek mehatxüreki galthatü ardier,

Nurat juaiten ziren ihesi nausier;

Haiek arrapostia, ezta hanbat eijer:

«Berrien iruitera baguatza Pettarrer;

Ahatzerik girela gure aitzaiñ jauner».

Artzaiñ horiek zien ardier galthatü

Eia etzienez ihur bidin bathü:

«Tirro, Elgoihen eta Odoronda tügü

Gure igaraitian erriz borogatü,

Ustez otsuek behar zien gützaz aihaltü».

Artzaiñ horiek ardier: «Hots Arhanera,

Izanen zide untsa, guriak bezala».

Ardiek arrapostia: «Zietzaz kuntent gira,

Artzaiñ auherreki üsatürik gira,

Entzünik ziek ere hala ziradiela».

Artzaiñek zeren erran juaitiareki

Eia etzienez bathü Felipe Arainti:

«Bai, bathü ükhen dügü Petti Üharteki;

Biek igaraitera beikütie ützi,

Ari baitzen eüria, nahi gabe busti».

Khantoren egiliak eztizü beldürrik

Ez bortian, ez etxen, gal dezan ardirik;

Batño bat beitzian arras ñaphürtürik

Bestereniala biziatürik,

Kuntentik diagozü hura kitatürik.