MENDEKOSTE PHESTETAN

                Basa-nabartarrez

        Mendekoste phestetan,

        Aurthen Arnegiko errekan,

Istorio bat gerthatu da kasik ezpeitiot erran:

Bost emaztek edan dituzte hamalaur pinta arno betan,

        Jokhaturik kartetan.

        Jokua zute florian

        Arnegiko Madrilenian;

Atso gaxuek uste zuten zirela zeluko lorian,

Saindu ororen erdian, bere botoilak aldian,

        Bai eta plazer handian.

        Batak zion bertziari:

        «Haurra, hire graziari;

Arnoño hunek alegeratzen ditan bihotzñua niri,

Ene plazerra hola luken banu zenbait ogi poxi

        Arno ezti huneki».

        K...... eta Kattalain,

        Auzo biak elgarrekin,

Arno edaten ari ziren koraje handi batekin;

Gero ondoan bazuten gibel aldian zer egin,

        Bere fanfarreriekin.

        Hirurgarrenak ederki

        Tanteatzen omen daki;

Hamarrekuak harek zituen omen markatzen orori,

Ondarrekotz nahasi zen eta lurrerat erori;

        Orduan etzen egarri.

        Laurgarren hori zer pheza,

        M........ zapatainesa;

Untsa esplikatzen zituen heskuara eta frantsesa,

Bai eta ere aisa egiten bide handian esa;

        Horixe da haren letra.

        Bostgarren hori zoin othe da?

        Phensatzeko ez da phena;

Z.......... gaizo horrek nola ezpaituke lehena;

«Benedika dakiola, dio, mahatsari aihena.

        Arno ekhartzen duena!».

        Ahuntzeez jokhatu eta

        Hasi ziren kolpeka;

Kaston deitzen zen guarda gazte bat, kanpotik jinik lasterka,

Hak phartitu izan zituen, ez uste bezain aisa,

        Arrazoinik ezin phasa.

        Zuk ere, Etxek'anderia,

        Erran behazu egia;

Solas hortan zu othe zinen buruzagia?

Bost emaztek egiteko horixe da komedia!

        Hurren baitzen zahagia!