GARGARRILLAREN LENENGO EGUNA

Noiz Maria guziz santari biotza eskeñi bear zaion

        Maria guziz santa geiago onratzeko berari señalatua dagokion egun au, edo geroxeago edo lentxeago beste bat, baldiñ orduan jai egun andiren bat suertatzen balitz, konturako, Pazkoa Maiatzekoa edo Korputz eguna, aututzen da berari biotza eta ill guzian bera onratzeko egiñ diran deboziozko lanak berari ofrendatzeko. Eskeñtze edo ofrendatze au ongarriago izan dediñ, konfesatu eta komulgatu bear da debozio andiaz; eta eskerrak eman ondoan, egiñ bear dira ondorengo aktoak.

        LENEN. Mariari bere biotz txit maitagarriaren onran Maietzeko ill guzian egiñ zaizkion lan on guziak berriro ofrendatzea.

        BIGARREN. Jaungoikoaren eta zeruko Santu guzien atsegiñ kontentu zoragarria dan Mariaren biotz sagradua, Jesusen Biotzaren antz andieneko biotza gañez egiteraño graziaz betetako, eta on eta mesede guziak beraren bidez datozkigun biotza beñ eta askotan egun artan adoratzea.

        IRUGARREN. Gure biotza Santu guzien biotzakiñ, eta batez ere bizitz onetan Mariaren biotzari debozio eta amodio geiago izan zienen aiekiñ batutzea, guri palta zaguna berak osa dezaten.

        LAUGARREN. Gure biotzaz egiten diogun arren ontzak ar dezala, eta azkengabeko onra eta alabanzak berari zeruan eman al izateko mesede paregabeaz bizitz onen ondoren koroa ditzala, umilatasun andiaz berari eskatzea.

        BOSTGARREN. Egun onetan gure debozioak berotasun andiagoaz errezatzea; bere imajiñenbat, edo bere izeneko elizen bat bisitatzea; itz batean, Jesus eta Maria beti gure biotzetan bizi ditezen zale eta deseo irazekiaz, egun au al genzakean ondoen ematea.

MARIA TXIT SANTARI

BIOTZA OFRENDATZEKO

Modua

        Birjiña guziz santa, Jaungoikoaren Ama, eta nere Erregiña, zure oñetan belaunikatu eta guzia dezakean Jaungoikoaren eta zeruko Santu eta Santa guzien aurrean eskeñtzen, eta zure serbitzura ematen dizut, pekatari onbear tristea banaiz ere, nere biotz guzia oso bere zale eta deseo guziakiñ. Eta biotz au, zurekiñ zure Seme txit santuaren gauza bezela, sekula guzirako zure eskuetan ipintzeko asmo egiazkoan nago. Ontzat ar zadazu barrun-barrundik egiten dizudan ofrenda au, oh Ama txit ongillea, Santu guziak egiten dizutenarekiñ batera, eta iritxi zadazu aurrerontzean bakarrik zuretzat eta zure Semearentzat bizitzeko grazia. Onela egiñgo dedala uste det bere laguntza jaungoikozkoarekiñ eta zure anparo indartsuarekiñ; eta nik nere aldetik, iñork beartugabe, pozik agintzen dizut, ala egiñgo dedala. Irazeki zazute nere biotza, oh Jose eta Maria, zuek zeronean dauzkazuten su guziz biziaz, lurrean amodioaren suzko bonbonadetan irazekita Aingeru eta Santuakiñ batera sekula guzien sekuletan zeruan zuen amodioan sutu eta urtu nadiñ. Amen.

EGUN-ORO

AZKENEAN EGITEN DAN LETEIA

                Birjiña guziz gozo

                Zeruko poz atsegiña

                Ar izazu lore oiek,

                Gure Anrdre Erregiña.

                          1

                Maietzeko illaren

                Egun ongarriak,

                Emaikitzute arren

                Lore zuri-gorriak:

                Apañtzeko Amaren

                Aldare berriak,

                Kanta ditzagun bere

                Itz zoragarriak.

                          2

                Goiz-aldeko izarra,

                Donzella, zu zera,

                Jaiotzan añ ederra

                Ziñan, bada, atera:

                Mundu gaizto oni gerra

                Zatoz ematera,

                Eta Luzifer gaiztoa

                Menderatutzera.

                          3

                Evak sortu bazuen

                Guretzat nekea,

                Zu jaiota munduan

                Egiñ zan pakea;

                Argatik infernuan

                Sortu zan kaltea,

                Baita jarri zeruan

                Zabalik atea.

                          4

                Luzifer dezbrua

                Da agitz samintzen,

                Beti zure anparoa

                Degula sentitzen:

                Orrela ari burua

                Diozu ausitzen,

                Eta guri zerua

                Oparo eskeñtzen.

                          5

                Izar ifar-aldeko

                Argi emallea,

                Gure zorioneko

                Bide-erakuslea;

                Zu zera bai gaueko

                Gu gordetzallea,

                Tristuren biotzeko

                Desterratzallea.

                          6

                Ah zure mantupean

                Señora Erregiña,

                Zeñ izan ditekean

                Sartzearen diña:

                Etsaiek beñ batean

                Ta aien alegiña,

                Garaitzeko atakean

                Gu gauza bagiña.

                          7

                Zuregan birtutea,

                Ispillu argia,

                Atsegiñ da ikustea,

                Donzella garbia:

                Hura bada ikastea

                Guretzat gloria,

                Ta gero izatea

                Zurekiñ, Maria.

                          1

                Gaur gu pekatariak

                Ona zure billa,

                Gerade etorriak

                Alkarrekiñ milla;

                Egitera eskariak

                Oh Maria ongilla!

                Bada iritxi sariak

                Al izan dedilla. Amen.

                Birjiña guziz gozo, etc.

        V. Ora pro nobis, Sancta Dei Genitrix.

        R. Ut digni efficiamur promissionibus Christi.

OREMUS

        Défende, quaesumus, Domine, Beata Maria semper Virgine interdedente, istam ab omni adversitate familiam, et toto corde tibi postratam ab hostium propitius tuere clementer insidiis. Per Christum Dominum nostrum. Amen.