Zipristinik gabeko gau lasaietan

basamortuak ixilik izaten dira

dunetako barne beroa hezetu eta jainkoaren zazpi izpirituak

zazpi izarrak

zeru gainean ikus daitezke

 

galaxiek esne bideak botatzen dituzte orduan,

urkin labaintzaileak

ezti eta bolia

 

une berean, beste latitude bateko kale errautsuetan

lurrean diren harri lipiztariek

aingeru erori gazteen sumina itxoiten dute

 

hareetan, eguzkia, hegohaizea eta sargoria sentitzen delarik,

eremu mingaitz eta zauritu orotan bezala

dizdir ezberdinak nabaritzen dira

eta basamortuetako biztaleen bihotza sutan jartzen da orduan