Garraren eta karroiaren hotsaz datozkit burura

garbi eta ozen

goiztiri makurraren oroitzapenak

eguzkia, oraindik, zeru-mugaren azpitik zegoeneko ordua

 

tropikoko aberrietan, tarte honetan,

otso buztan izeneko distira ikus daiteke

zodiako argia

 

astroaren koroaren inguruan

haurtzaroko enaren eta larratxorien hegalaldi biribil berean

abar kometatsuak

adats kiribilkatuak

planeta txikiak...

 

hirugarren esfera honetan

zimelduriko lili loreak bildu eta, alkoholaren eraginez

guztiz hordia,

iragan denboretako lupuak, mikatzaren kalizan, edaten ditut gauero