Gaueko bero berunkararen azpian garraldian naizelarik

begiak lauso eta ohean lardaskatua

azalean eraikitzen dut urduri

amodioaren burnizko abiadura

 

izar lizunak ikusten ditut orduan

baina urrunago joan beharko dut oraindik

zentzumenen herrira iritsi nahiez gero

 

bertako gizon eta emakumeek

geziak jota eta biluzik

itsasoko uhinen oldarketan

mirail hautsien isladak itotzen dituzte

eta ortzearen izpi txurien artean

zilarrezko uharte apurtuetan

gorputzen beroa bilatzen dute animaliak