Edari hezerik baledi

eta egunaren argiak

lore usainik

lurrin ezberdinak balekartza

eztiaren herritik urrun

mikatz garratzaren espetxean

ostarte zohardiak

ezagutu ahalko nitzake egarbera

 

orein zaurituaren antzera

iritsi naiz, ihesi,

iturri ondora

 

sabela irekia

lehertua

adur usuaren ankerkeriak

egarria hilko ez didan odol gatzatura bultzatzen nau

 

lehortearen erdian nabilelarik norabide galduta

urik gabe, oztopoka, animalia zekena bainintzen

leizeko putzuaren iluna, gakora nahiko nuke