Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970

 

 

UDAZKENA, AGUR

 

Udazkena estaltzen ari da

arrats gorri baten antzera

 

otoi-lorez apaindurik

Aldiontzia artu du

 

mendi eta ondartza ahaztuak

egiten diote agur

 

urrezko kardinalak bere omenez

erriko basoak piztu

 

bai ona dela Udazken

Negua azpiratu dueņa

sei eta iru tantoz

 

baņan ez alaitu geiegi

Neguak erosi baitu

aurrelari Finlandiko

          joan zaigu Udazken

                      oraindik urrundik dakusket

 

egitaz pena emaien didate

zer egin eztakien egoaizeak

 

ta otzez dardarka dagoen

aquarella margul orrek

 

ta plazan jostatu eziņik

geldi dan arratsaldeak

ta arropa garbia sekatzen

balkoietikan zintzilik

jartzen dituen eguzkiak

 

ta arkupetan txistuka dan

lengo txistulari aren

basoroimen zurbillak

 

ta aparkatzen ezin duen

izartxo aberiatuak

 

bidea galdu baitu

izkutuko inda ahaztu

                ene esku elurtuaz

                            Udazkenaren zantzu-lerroa

                                   erakutsi nion

 

1959

 

Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970