GAUA

 

Etzanik dago lañoa

mendi-bizkar-ezurrean,

etzanik lo.

 

Illargiak maindire ariña

—estalki zillarrezkoa—

jarri dio.

 

Bordako izarra da estali,

ta ondoko osiñan ageri,

urdiñago.

 

Zakur beltzen uluak,

ulu eta amets zoroak,

doaz aruntz.

 

Zerubide biurrietatik

gautxorien moto-iskanbillak,

t'aien aztarnen atzetik

aguro guardia zibillak.

 

Laister baña

ixillak dena jan.

 

Gabon, nakar-oera oazen neskatil sotilla;

ordu maitaleak an ditun irrikaz ire zai;

oiekin batean Gaua ilko zain, urrezko miñez.

 

1959