Just love
Itxaro Borda

Maiatz, Uhargi 13, 1988ko abendua

 

AMICUS POPULI ROMANI

 

baobab erraldoiak arizonako mortuan:

hurbiltasunak urruntzen nau

eta vice versa.

mundua bezain handia litzatekeen amodioa nahi dut.

paxidermo pizuek eskuak

lehertzen dizkidate.

damero xuribeltzean saltoka ibiltzen

dira

txantxikuarrak.

haizearen hitzak oro ez ditut ulertzen.

normalean euriarekin solasean ari naiz.

galaxia bezain iluna izango den heriotza nahi dut.

itsasoan igerika nabil

baina nere arrain nostalgiak

aterabiderik ez du.

albaniako durazzon amicus populi romani egin naute.

xoilik hutsaren usaina duen ahanztea nahi dut.

 

 

Just love
Itxaro Borda

Maiatz, Uhargi 13, 1988ko abendua