Just love
Itxaro Borda

Maiatz, Uhargi 13, 1988ko abendua

 

MERGUEZ BLUES

 

merguez usaina inguruan mila baino gehiago

ginen euripean

eta ni denetan - o maitea, etsitua zure bila

non zinen bada

iraultza desiratuaren oihal gorri bustiaren

atzean ote?

 

guk miseria komunaren ohaide fidelek hiria

sutan asmatzen genuen

maitasun gosez, setio egoera, harriak eskuan

barrikadak

eta ni denetan, o kuttuna, etsitua zure bila

euripean

 

erresistentzian sartuak ginelako iduripena

justizi nahia

noiz herrirako?

hezurrak hautsirik genituenok hitz bakarra

ahoan: borroka

eta ni denetan - o maitea, etsitua zure bila

euripean

 

gure karriketako maiatz ederrak.

 

 

Just love
Itxaro Borda

Maiatz, Uhargi 13, 1988ko abendua