Just love
Itxaro Borda

Maiatz, Uhargi 13, 1988ko abendua

 

AHANTZIKO NAUZU

 

herri setiatuko alanbre latzen gainetik

kolerazko grafitti beltzez

bonbatzeko balioko lukeen

brika gorrizko murru erraldoia

bilakatzen zara,

 

eta ahantziko nauzu.

 

galerna amestuen leize hondo sakonetan

itsas erdian galdu paperezko

untzi trakesak sekulan ardietsiko

ez duen kosta brumatsua

bilakatzen zara,

 

eta ahantziko nauzu.

 

hormatze atomikoaren garai iragarrietan

hospitale sikiatrikoetan

zain minberak trebeki

moztuko lituzkeen medikua

bilakatzen zara,

 

eta ahantziko nauzu.

 

 

Just love
Itxaro Borda

Maiatz, Uhargi 13, 1988ko abendua