|
Just love JUST LOVE beti bezala zuek biok herriko nere kontaktu afektibo bakarrak, joan naiz maite zaituztedala ahozkatu ezinean. paper pirtzilikatuaren ezkinean idazten dut ez ahanzteko asko maite zaituztedala. iparruntz garamatzan trenaren zaratarekin batera bien izenak zorion mutuaren melopeia minberak marmarikatzen ditut musika lineala moldatzeraino. eta zuek biok hemen sahetsean urradura garratzik gertatu ez bailitzan sahetsean itxuratzen zaituztet. ghettoko karriketan kurutzatzen garenean gogoa dut nere besoetan zuen materialitatea tinkatzeko, arpegi zaurituak laztantzeko, lakrimogenoek erre begiak aireztatzeko. ghettoko karriketan lehenago nola. sahetsean. monologo mentalean dihardut. edo ostatuetako mahain mainguetan bildurik ohizko giroak burtxoratzen gaituenean nahiko nuke hamabostero kasko hustuegia baten zein bestearen sorbaldetan pausatu denbora larrutzaleari bake orduak lapurtzearren. baina ez naiz ausartatzen. paper pirtzilikatuaren ezkinean idazten dut ...
Just love |