Just love
Itxaro Borda

Maiatz, Uhargi 13, 1988ko abendua

 

mundu osoak eguzki eta izarrak barne abandonatzen hauela

garrazki nabaditzen dunanean

nortasun inertoa ahanzte latzaren urmael lohitsuetan

hormatzen zaunanean

alabaren sahets samurrean

lokartzea desiratzen dun

indar guziz.

ahal bahu seaska kanta arruntak abestuko hizkioke.

aurtengo haize hegoaren laztan eztiak

ez ditun gozatu.

sortu hauen eguna madarikatzen dun

besterik gabe.

desertatu dunalako.

gosearen aitzakiarekin.

poesiak idazteari lotuz

zainak doi bat jabal ditzazkeen.

baina hire malkoek paper zuria zikintzen dine.

eta aldamenean

nehor ez daukan urrikaltzeko bederen.

 

puta mierda de ciudad.

 

hil egingo hintzateke kurai izpia bahu ...

 

 

Just love
Itxaro Borda

Maiatz, Uhargi 13, 1988ko abendua