Just love
Itxaro Borda

Maiatz, Uhargi 13, 1988ko abendua

 

TURKANA LINE

 

 

                I

 

irriak dakar

damuzko hatsa

noiztenka

 

huntzen begiak

epeltzen doaz

noiztenka

 

zuen gutunen

solas eztiak

noiztenka

 

malko kiretsak

arrosten zaizkit

noiztenka

 

 

                II

 

arbolak eihartzen uzten du

saparik hartzen ez duen abarra

baina guk

zuhaitzen zuhurtziarik

ez dugunez

min dagigun haragi puska

kuttunki zaintzen dukegu

noizbait loratuko delako

esperantzan

 

halatan galtzen gara

 

 

Just love
Itxaro Borda

Maiatz, Uhargi 13, 1988ko abendua