Just love
Itxaro Borda

Maiatz, Uhargi 13, 1988ko abendua

 

NIGHTMARE

 

eta iratzartzen naiz

    goizeko lauetan

aments gaiztoa araiz

    lurralde hauetan

 

mihise hotzen artean

    gerizatuz hatzak

jotzen nau gau partean

    geroaren latzak

 

gelan zutik nagoela

    besoak ikaran

gogoratzen dut nola

    uda den igaran

 

txori baten kantua

    beldurretan jantzi

bihotzen hots hantua

    nahi dut ahantzi

 

lotsa denean histen

    leizeak saltzeko

zigarreta dut pizten

    zainak jabaltzeko

 

 

Just love
Itxaro Borda

Maiatz, Uhargi 13, 1988ko abendua