Just love
Itxaro Borda

Maiatz, Uhargi 13, 1988ko abendua

 

NIGHTMARE

 

izturitzeko harpe hotzetan

    gizonak konputerrekin

espace invaders jokoan ari

    ziren cubitus errekin

 

orden piztiek baionako gau

    denen zubiak blokatzen

erradazu non dituzten gure

    kemen auhenak kokatzen

 

martziano asko etorririkan

    burdin zirten makoetan

haurtxo ugari begirik gabe

    sortu ziren zokoetan

 

preseski barda erditu nuen

    mendekuaren negarraz

bihar goizean estaliren dut

    bidea antsi legarraz

 

eta jadanik sendi dezaket

    ihes joateko desira

ilargi haren hodei urdinak

    finkatzen duen hegira

 

 

Just love
Itxaro Borda

Maiatz, Uhargi 13, 1988ko abendua