Just love
Itxaro Borda

Maiatz, Uhargi 13, 1988ko abendua

 

GANGRENA

 

ukamil gogortuen eralat altxatzen ziren

bihotz beltzekilako loreak marrazten

nituen hiriko horma grisetan.

o maitea zergatik? zain

kanalen hegietan banbuzko amuak eskutan

fandangoa dantza nezakeen bantustan

berriko zuluen moduan.

 

sasi heriotzaren etorbidean katalepsian

erori aintzin polizi kotxei harrika

ari ziren ghettoko kideen sahets

keztatuen maldan nindagon.

o maitea zergatik? ... zain

sudurretik odola uhain lodika ixurtzen

hastean amari deitu beharko nukeela

pentsatzen nuen ikaran.

 

goizero egutegiko denbora iluntzen nuen

zutarik urrun iragan urte latzeko

ordu krudelak oro zehazki markatuz

txinako enkrearen hatsaz

o maitea noiz? zain

hodei esnetsuak eskas nituen zeruan

 

... zain

eta euriek

nere barneak emeki gangrenatzen zizkidaten.

 

 

Just love
Itxaro Borda

Maiatz, Uhargi 13, 1988ko abendua