Just love
Itxaro Borda

Maiatz, Uhargi 13, 1988ko abendua

 

ETA ZUK

 

barbaritate arruntak erre bakardade komunaren

eremuak esploratuko ditugu

karrika odoltsuak eta baratz orlegiak gauetan

hiriko azken maitaleen

geriza geratuko dira

 

sohako gogorren zein solas larrutzaleen oihua

betiko ahanzten hastean

curaçao urdinaren uhain libreetan kulunkatuko

gara gero elkarren ondoan

loak hartuko gaituenean

 

satoriko kartzelan ustelduko dira hats ahulak

hormak zaplastatzen dituzten

miseriaren hitzak paperean idatziko dituzkegu

artizarra zeruan agertuko denean

nere tristura laket ez zaizula

aitortuko didazu

 

iraganeko gaztelu hautsien itzaletako harresi

bustietan etorkizun zatia

bermatuko dugu arrosen hasperen eztien artean

artizarra zeruan agertuko denean

zure bularrak laztanduko ditut

 

zure bularrak laztanduko ditut

 

 

Just love
Itxaro Borda

Maiatz, Uhargi 13, 1988ko abendua