Hildako anaien oroimenak

hartuko ditut, nere logurea

zanpa dezaten.

 

Ez nau loak hartuko!!

Nola lo egin maitasunaz

ahaztu gabe?

 

Gorputz baten itzalak

jasoko ditut nere eskuetan

beroak har ditzan.

 

Ezin dut aurkarik egin!!

Noski; zer egin dezaket

borondaterik gabe?

 

Nere bihotz gogorra,

eguzkia bezala, itsasoaren atzetik

sartzen ari da.

 

                             Mailu bat jotzen ari da

                             haizean burnizko taupadak

                             eta nere buruak jasotzen ditu

                             nere begiak ezintasunez

                                                osaturik

eta ezin dut aurkarik egin

      ezin dut zutik egon

      ezin ezer egin

      ezin ezin

      ezin

      ez