Ez naiz gogoratzen noiz eta nola iritsi zinen;

egan, egunsenti baten irria bezala.

Ez dakit zein su hutsarekin piztu zenidan

nere nortasuna itotzen ari zen itzala.

 

Zure zalantzazko giza-bihotzak agertu dit

bihotz-bihotzez maitatzeko jaio zinela.

Haizean zehar dabiltzan su eta argizko hitzekin

esan dezagun adiskide kuttunak garela.

 

Beti maitasunak zu agurtu zaitzala.

Beti, zuri, beti, zuri, zuriz apaindua.

Beti maitasunak zu agurtu zaitzala.

 

Xorien abestiek lagundu zaitzatela;

xorien margoak zugan joan ditezela,

eta haien abestiek beti lagundu zaitzatela.