Haizearen itzalak
Josu Landa

Hordago, 1980

 

 

VI

 

      Zergaitik ez dituzu nere eskaintzak jasotzen? Nere gaztetasunaren loreak apurtzen ari naiz, sustraietatik ur goxo bat ixur dadin.

 

      Mendi baten gainean zeunden, ihintzez apaindurik. Haruntz ibiltzen hasi nintzen. Zuhaitz atzetik nenbilen ez nintzazun ikus. Nekaturik nengoenean, xoriekin mintzatzen nintzen, landareen itzalean etzanda. Bidean zehar, doinu zuriak abesten nituen eta ez zenituen aditzen. Zuregana iritsi nintzen eta zure ederrak itsututa, mutu, ez nizun ezer esan.

 

      Eta gaur, nere opariak eskaintzerakoan, ez dut hitzik zuretzat. Ez dakit zer esan. Zergaitik ez dituzu nere opariak jasotzen?

 

Haizearen itzalak
Josu Landa

Hordago, 1980